点评:今次bk左klook包两早晚餐既海景客房package
早一星期打左去remark 系庆祝生日 夜晚食饭时送左个蛋糕仔 味道一般 不过主要都系影相用 所以无所谓
本身想bk埋个下午茶 不过full左
当日去到酒店大堂装修中 封左一半位
Checkin过程都顺利 唔洗等好耐
房既落地大玻璃对正大海景 不过始终喺九龙望港岛个夜景会靓啲
间房个厕所好大 有双洗手盆 座厕位置另外有门
4点左右落左泳池 都好多人 池边沙滩櫈满左8成 有两个比较大既泳池 同一个暖池 一个冻池 一个按摩池 大池同暖池满晒人游/浸
职员会帮你用大毛巾铺好沙滩櫈 感觉干净舒服
之后再送上柠檬水同雪条
雪条份量细 但好食 当日有菠萝同士多啤梨味
去到太阳开始落山时 泳池啲人开始走得七七八八 我地先落水
始终疫情关系 无带口罩唔想同人群咁接近
有一个泳池正隔离系餐厅 餐厅啲人会望住你游水 感觉唔系几好
泳池唔系无边际池 个池边有草丛 做唔到无边际效果 景观一般
尤其按摩池 有一排櫈向海 正常应该系坐系到按摩睇景 不过俾啲草遮晒 咩都睇唔到
夜晚bk左落The Lounge 食晚饭
之前打电话Request左窗边 都有安排到
不过窗外边系马路 所以都无咩景观 不过有梳化就坐得舒服啲
拣左中式同西式三道菜餐
中式比较有惊喜
和牛面颊好食 石榴甘露入面系爆爆珠同啲类似甜品河粉既野 都好食
西式就比较普通 龙虾汤同鱼子酱多士好食 不过主菜个牛扒一般到好似平时普通餐厅一百几十就食到个啲 唔难食 但唔会再食
Serve 我地既Darius服务亦都好好 知我地饱到有啲‘济’ 准备左花旗参茶俾我地饮 好饮
第二朝选择左系房食早餐
夜晚打电话去bk早餐时 职员亦好有礼貌同好详细解答我问题
早餐拣左两份港式早式 味道都唔错
总括黎讲 呢个价钱包两餐都好抵住 服务好 环境舒服
以往生日都会bk酒店住 今年多左优惠 抵住
原文点评:今次bk左klook包兩早晚餐既海景客房package
早一星期打左去remark 係慶祝生日 夜晚食飯時送左個蛋糕仔 味道一般 不過主要都係影相用 所以無所謂
本身想bk埋個下午茶 不過full左
當日去到酒店大堂裝修中 封左一半位
Checkin過程都順利 唔洗等好耐
房既落地大玻璃對正大海景 不過始終喺九龍望港島個夜景會靚啲
間房個廁所好大 有雙洗手盆 座廁位置另外有門
4點左右落左泳池 都好多人 池邊沙灘櫈滿左8成 有兩個比較大既泳池 同一個暖池 一個凍池 一個按摩池 大池同暖池滿晒人游/浸
職員會幫你用大毛巾鋪好沙灘櫈 感覺乾淨舒服
之後再送上檸檬水同雪條
雪條份量細 但好食 當日有菠蘿同士多啤梨味
去到太陽開始落山時 泳池啲人開始走得七七八八 我地先落水
始終疫情關係 無帶口罩唔想同人群咁接近
有一個泳池正隔離係餐廳 餐廳啲人會望住你游水 感覺唔係幾好
泳池唔係無邊際池 個池邊有草叢 做唔到無邊際效果 景觀一般
尤其按摩池 有一排櫈向海 正常應該係坐係到按摩睇景 不過俾啲草遮晒 咩都睇唔到
夜晚bk左落The Lounge 食晚飯
之前打電話Request左窗邊 都有安排到
不過窗外邊係馬路 所以都無咩景觀 不過有梳化就坐得舒服啲
揀左中式同西式三道菜餐
中式比較有驚喜
和牛面頰好食 石榴甘露入面係爆爆珠同啲類似甜品河粉既野 都好食
西式就比較普通 龍蝦湯同魚子醬多士好食 不過主菜個牛扒一般到好似平時普通餐廳一百幾十就食到個啲 唔難食 但唔會再食
Serve 我地既Darius服務亦都好好 知我地飽到有啲‘濟’ 準備左花旗參茶俾我地飲 好飲
第二朝選擇左係房食早餐
夜晚打電話去bk早餐時 職員亦好有禮貌同好詳細解答我問題
早餐揀左兩份港式早式 味道都唔錯
總括黎講 呢個價錢包兩餐都好抵住 服務好 環境舒服
以往生日都會bk酒店住 今年多左優惠 抵住