点评:今次选择文华东方,系想比妈妈一个五星级既体验,庆祝佢做完手术,身体康复,而文华东方冇令我地失望,每个环节都感受到佢地恩勤既待客态度。
订房时系订城市景房,另外要求酒店为妈妈准备一支玫瑰花。
Check in 果阵,GRO 经理Ms.Ava Pun亲自迎接,特别offer我地可以late check out,仲带我地上客房,去到客房,比左我同妈妈惊喜,首先,客房upgrade 左去海景房,仲有一扎六支既长柄玫瑰,朵朵都系大玫瑰!感受到文华东方既诚意同细心!依个Recover 之旅由维港靓景加靓靓玫瑰花开始!
由于疫情,政府加「辣」,餐厅唔做晚市堂食,于是试下叫Room dinning ,果然体验唔错,食物味道一流。望住维港夜景享受五星级既晚餐,而家仲好回味!
值得一赞既就系,房间提供既Earl Grey茶叶饮完,于是打电话去服务台refill ,点知,酒店好大方,竟然refill 晒所有茶既茶包!另外,酒店系我同妈妈离开左房果时,帮我地开床,仲好细心帮我卷好叉电线。
Check out 果阵,前台服务员细心咁问要唔要帮手call 车,期间,Ms.Pun 出黎送我同妈妈走,惊喜又黎喇,就系送左小礼物同心意卡比我妈妈,佢真系好细心,知道我妈妈钟意饮中式茶。
今次既体验,系我系我住咁多间酒店以来,第一次有依个五星级待遇!多谢文华东方!我相信我地好快会再见!
原文点评:今次選擇文華東方,係想比媽媽一個五星級既體驗,慶祝佢做完手術,身體康復,而文華東方冇令我地失望,每個環節都感受到佢地恩勤既待客態度。
訂房時係訂城市景房,另外要求酒店為媽媽準備一支玫瑰花。
Check in 果陣,GRO 經理Ms.Ava Pun親自迎接,特別offer我地可以late check out,仲帶我地上客房,去到客房,比左我同媽媽驚喜,首先,客房upgrade 左去海景房,仲有一扎六支既長柄玫瑰,朵朵都係大玫瑰!感受到文華東方既誠意同細心!依個Recover 之旅由維港靚景加靚靚玫瑰花開始!
由於疫情,政府加「辣」,餐廳唔做晚市堂食,於是試下叫Room dinning ,果然體驗唔錯,食物味道一流。望住維港夜景享受五星級既晚餐,而家仲好回味!
值得一讚既就係,房間提供既Earl Grey茶葉飲完,於是打電話去服務台refill ,點知,酒店好大方,竟然refill 晒所有茶既茶包!另外,酒店係我同媽媽離開左房果時,幫我地開床,仲好細心幫我捲好叉電線。
Check out 果陣,前檯服務員細心咁問要唔要幫手call 車,期間,Ms.Pun 出黎送我同媽媽走,驚喜又黎喇,就係送左小禮物同心意卡比我媽媽,佢真係好細心,知道我媽媽鍾意飲中式茶。
今次既體驗,係我係我住咁多間酒店以來,第一次有依個五星級待遇!多謝文華東方!我相信我地好快會再見!