点评:预算有限而又想住得比APA、东Inn、Mystay等好少少,大和鲁内算系中价位里面较有规模的,但是今次从登记取房到住宿都大失所望,水准差劣
先讲房间,一开门已经扑面烟味,成间房连厕所都系浓烈烟味。日本酒店通常有空气清新机,呢间用Panasonic Nanoe,以为帮到下手,点知部机放出嚟嘅都系烟味,真系第一次见!开窗吹咗6个几钟负10度寒风,完全于事无补!仲要成间房手摸到烟油咁,真系唔讲得笑,出咗去行街都完全唔想返酒店。
第二样系职员态度,日本酒店员工出名服务细心,就算住平酒店都一样。今次一行6人,订咗4间房,登记时畀晒6本护照前台登记。前台职员话只揾到3间房,我话明一共4间仲畀埋订单号码佢查,佢一直话无,然后斥责我哋呢度系日本,唔接受多过登记人数用房。朋友无辜被指责即刻嬲到爆。最后我重申我哋唔会咁做,然后佢终于揾到第4间房,但系成班人无端受骂真系好唔开心。前台揾唔到订单时有发生,我唔怪佢,但未搞清楚件事就怪罪别人就真系处事恶劣。请中国留学生以为识中文沟通,点知中国人只敢虾中国人,日本酒店俾中国人员工影衰,名誉扫地,__可能系最后赢家?过程中完全无日本同事尝试帮手,反映酒店无论培训同埋管理方式都大有问题。
登记嘅时候已经劲嬲,仲要间房臭到爆,完全够畀1粒星,真系大伏
地理位置好,房间大小算恰当,呢个价钱,执返2粒星系畀钟意烟味人士嘅
原文点评:預算有限而又想住得比APA、東Inn、Mystay等好少少,大和魯內算係中價位裡面較有規模的,但是今次從登記取房到住宿都大失所望,水準差劣
先講房間,一開門已經撲面煙味,成間房連廁所都係濃烈煙味。日本酒店通常有空氣清新機,呢間用Panasonic Nanoe,以為幫到下手,點知部機放出嚟嘅都係煙味,真係第一次見!開窗吹咗6個幾鐘負10度寒風,完全於事無補!仲要成間房手摸到煙油咁,真係唔講得笑,出咗去行街都完全唔想返酒店。
第二樣係職員態度,日本酒店員工出名服務細心,就算住平酒店都一樣。今次一行6人,訂咗4間房,登記時畀曬6本護照前台登記。前台職員話只揾到3間房,我話明一共4間仲畀埋訂單號碼佢查,佢一直話無,然後斥責我哋呢度係日本,唔接受多過登記人數用房。朋友無辜被指責即刻嬲到爆。最後我重申我哋唔會咁做,然後佢終於揾到第4間房,但係成班人無端受罵真係好唔開心。前台揾唔到訂單時有發生,我唔怪佢,但未搞清楚件事就怪罪別人就真係處事惡劣。請中國留學生以為識中文溝通,點知中國人只敢蝦中國人,日本酒店俾中國人員工影衰,名譽掃地,__可能係最後贏家?過程中完全無日本同事嘗試幫手,反映酒店無論培訓同埋管理方式都大有問題。
登記嘅時候已經勁嬲,仲要間房臭到爆,完全夠畀1粒星,真係大伏
地理位置好,房間大小算恰當,呢個價錢,執返2粒星係畀鍾意煙味人士嘅