西贡海鲜街

去西貢食海鮮，有時都會擔心海鮮價，最後可能變水魚。「天天好海鮮酒家」午市同晚市加工價都係一樣，價錢公道透明，無隱藏收費，無開瓶費，按人頭收加工費： ⋄二人$60/ 1碟 ⋄八人以上約$200/ 1碟 ⋄加蔬菜、加麵需另加錢 ⋄做刺身都會貴啲 去到問返店員，食前了解價錢就食得好放心。 跟住識飲識食嘅朋友，嚟到西貢碼頭艇仔檔同埋西貢街市買海鮮，再攞去酒家加工。門面都幾隱世，店鋪唔算大，坐低大圓枱已經聽到廚房傳來風爐「蓬～蓬～」炒餸聲，淨係聽都聽得出鑊氣。我哋一行十人，十一味餸加工費$1380，除開人頭費好抵食，所以係愈多人愈抵食。 ❖白灼赤米 ⋄西貢街市 ► 赤米 (1斤) $128 細細隻，蝦殼脆薄好易剝，白灼味道特別鮮甜，好新鮮又無沙。 ❖豉椒炒黃蟶子 ⋄西貢街市 ► 黃蟶子 (約1斤) $100 ⋄加工料：炒麵底+$100 呢個時候當造，見街市好多檔都有得賣，個人覺得黃蟶子口感仲好食過蟶子王，size似手指般大細，肉質爽彈鮮甜，咬開仲覺得有海水味滲出嚟，豉椒味燶，炒麵底脆，夠晒鑊氣。 ❖白灼瀨尿蝦 ⋄西貢街市 ► 長頸瀨尿蝦 (中型) (1斤半) $240 棄椒鹽而選擇白灼，更顯鮮甜原味，好新鮮夠晒多肉飽滿，肉質鮮爽。 ❖白灼跳螺 ⋄西貢街市 ► 泰國跳螺 (1斤半) $150 肉質結實彈牙，味道勁鮮甜，配甜醬辣醬一齊食，小心末端有鈎刺。 ❖炒黃鰭老虎班球 ⋄西貢街市 ► 黃鰭老虎班尾 (2斤半) $430 ⋄加工料：西蘭花+$80 淨係魚尾都2斤半，炒球啖啖肉，肉厚結實，魚皮滿滿膠質。 ❖酥炸大尾魷 ⋄西貢街市 ► 大尾魷 (1條約1斤半) $150 大尾魷係魷魚中之王，口感有點似墨魚，街市較少見，脆漿炸得酥脆，肉質厚實有嚼勁，魷魚鬚位置更爽脆，保持到魷魚水份唔會炸到乾晒，食過大尾魷返唔到轉頭。 ❖炸方利 ⋄西貢街市 ► 方利 (1條) $200 魚類極品之一，外皮炸得香脆，肉身豐厚嫩滑，好有魚味，連魚骨都食埋。 ❖炸黃花魚 ⋄西貢街市 ► 台灣黃花魚 (3條) $100 外皮炸得金黃香脆，肉質鮮嫩甘甜，魚油豐富，味道帶點鹹香。 ❖清蒸了哥魚 (碎上) ⋄碼頭艇仔檔 ►了哥魚(1條約1斤半) $380 係時令海魚，街市未必經常買到，想試就要碰碰運氣，入口啖啖肉，肉厚扎實，魚骨少，魚油脂豐富，最適合清蒸，更好發揮原有嘅鮮魚味道。 ❖鹽花蒸荷包魚 ⋄碼頭艇仔檔 ► 荷包魚 (1條) $120 我都係第一次食，外表係珊瑚魚，都會對食用抱有懷疑。其實多數係漁民拖網捕魚時跟隨網到，但機會並不常見，過程中有損傷注定養唔大的荷包魚，通常漁民會留返自己享用，所以係可遇不可求。 手掌般大，簡單蒸魚身已經出晒黃油，為咗鎖住黃油所以專登唔打鱗去蒸，肉質好嫩滑，魚皮滿滿黃油香都要啜一啜，尤其係魚鰭位置黃油積聚最豐腴，非常肥美，加埋鹽花更加提鮮。 ❖鹽花蒸黃腳鱲 ⋄碼頭艇仔檔 ► 黃腳鱲(2條) $150 水上人食法，有幾種魚係唔會打鱗去蒸，黃腳鱲係其中一種，只因魚油太豐富，避免蒸嘅時候流失，肉質柔軟富彈性，魚味濃郁鮮甜。 ❖豆腐白菜海鮮湯 ⋄西貢街市 ► 什錦海鮮 (1袋) ⋄加工料：白菜仔、豆腐+$50 喺同一檔買得多通常都會送俾你，只需要俾酒樓加工就可以。其實呢兜海鮮絕對唔似係下欄嘢，魚蝦蟹蜆，真材實料煲湯勁鮮甜。 ❖蜆肉芝士炒飯多蔥 ⋄西貢街市 ► 蜆肉 (1盒) $40 ⋄加芝士+$80 算係隱藏菜色，係朋友長期食吓食吓，又想試吓新嘢，店長幫佢設計出嚟。大量蜆肉芝士汁鋪滿成碟炒飯，慢慢流緊落隻碟度，仲有成碗芝士汁另上，邪惡到爆，但又好吸引，粒粒蜆肉算大隻有咬口，香濃芝士汁加大量蔥花，每粒炒飯都比雞蛋包住，份量十足，呢個時候已經好飽，但都引唔住食咗成碗，最後都打包咗成盒返屋企嘆。 呢餐係午餐但食得豐富過晚餐，飽到扶牆走，連料加工每人$450，非常抵食，手工一流，店員親切有禮，換碟密，又遞上濕紙巾。唔想自己去買海鮮，酒家都可以代購，實報實銷，海鮮通常時價，唔同日子、時間都有分別。另外發現中午炒粉麵同特價小菜都好抵食，無加一，夠鑊氣，已經變成我的飯堂了。 天天好海鮮酒家 地址：西貢市場街41號地舖

大頭小廚，位於西貢萬年街17號地下。 小店場內不算多位，星期日中午去食午餐🥢 ～ 焗豬扒飯$60、涼瓜排骨炒河$62、千島醬吞拿魚三文治$33、凍奶茶$24、凍奶茶$2(跟餐價) 和茶走(跟餐)。 ▫️焗豬扒飯 ～ 豬扒冇味道， 仲要好燶。 ▫️涼瓜排骨炒河 ～ 味道正常， 份量多。 ▫️千島醬吞拿魚三文治 ～ 凍冰冰，唔好食。 ▫️凍奶茶 ～ 奶茶味道一般。 ▫️茶走 ～ 煉奶偏少，所以好淡。 個人感覺一般般， 性價比都唔算高。 🏷️溫馨提示～ 整個用餐體驗均屬個人分享意見， 只作參考😊。 🔵🔵🔵🔵🔵🔵🔵🔵🔵🔵🔵🔵🔵🔵🔵🔵🔵🔵🔵 味道😋 2/5 環境🏬 3/5 服務💁🏻‍♀️ 3/5 衛生🙌🏻 3/5 抵食🍽️ 2/5 總分🏆 5.5/10 🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴    大頭小廚 地址: 西貢萬年街17號地下