元朗广场旅游景点攻略

全港最好食雞煲—元朗醉好 熊仔檸樂檸七 高質海鮮配料 去開Yoho附近，其實都經過呢間醉好火鍋好多次，今日終於入去試吓，門口有個好得意嘅裝飾，有煙不斷冒煙，忍唔住影咗啲相先入去。呢間火鍋店係由正宗四川人主理，坐低就叫咗招牌熊仔檸樂，同一杯熊仔檸七。 熊仔檸樂 熊仔檸七 $38 真係超得意呀，好似一隻熊仔沖緊涼咁，打卡一流！打邊爐梗係要配汽水，爽落特別爽呀。 香茜雞煲 $168 半隻 雞煲叫咗唔辣，因為病完好返無耐，原來以為可能會無咁好食，但結果真係超～級～驚～喜！好好食呀，芫茜爆多，一上枱香氣滿分，一打開個蓋就流口水，店員喺隔離烹調，仲會提你幾時食得，服務超好！雞煲醬料食得出食配咗好多香料製作而成，每件雞肉切得大細適中，放入口岩岩好，而且醬料味道濃郁得嚟好掛汁，但竟然唔會太咸，食得出個廚師好比心機整，無論係件雞嘅熟度同味道，都恰到好處！比起我之前食過N間雞煲，呢間真係全港世一！真心！ 潮州牛丸配貢丸 $68 另外點咗潮州牛丸配貢丸，佢地來貨係用貴價靚料，一食落就知，絕對唔係便宜貨，潮州牛丸出名好食，食到口咬到一絲絲牛肉質感，真係好少可喺火鍋店食到正宗潮州牛丸，而且貢丸亦係豬肉比例甚高，絕對唔係溝滿麵粉之作，兩重丸都值得嗌，高質又好味。 響鈴 $68 打邊爐無響鈴係無靈魂，所以一定要嗌，醉好嘅響鈴係即叫即製，一夾起就Feel到好脆身，放落湯浸3秒就食得，雞煲醬汁配上響鈴脆，真係勁勁勁好味呀！忍唔住清晒成盤，都唔記得咗卡路里係咩事，忍唔到口呀。 頂級安格斯牛脊 $188 厚身靚牛，肉質食落就知係貴價野，食落有濃郁牛味，牛脂香氣濃，食得好滿足。 蟶子（時價） 今日叫$48蚊，一上枱見到有驚喜，係蟶子皇嚟，仲要即劏超級新鮮，放落湯浸熟佢，拎返上嚟仲要完全無縮水，證明係真心新鮮。 整體嚟講，係一間好用心經營嘅店舖，每位店員都好友善，會好關心你用餐感受，老闆笑容滿面，令人感覺好舒服，係一間待客之道好好嘅餐廳，呢個價錢嚟講係好值，又唔貴，我同老公食完都大讚，一定會再返嚟食多次呀！！

🦦🍽 ————————————— 崩沙腩米粉🐮🍜 元朗呢家銘師傅粉麵鋪，係元朗廣場隔離，喺輕鐵站就會望到，入到舖頭樓底好高，天花仲有風扇加埋冷氣，好涼爽又寬敞。今次叫咗呢碗崩沙牛腩米，湯底好香，一啲都唔味精，加埋蔥同炸蒜真係無得輸，第一次食崩沙腩嘅我表示好好食。加多碟芥蘭同凍檸茶，又好食又飽肚。我一定會再嚟試埋其他嘢。👍🏻 ———————————————— 餐廳：銘師傅潮州粉麵餐廳 (元朗) 📍元朗青山公路253-263號鴻業樓地下D舖 -以下評分5為最高- 易去程度：5/5 食物質素：5/5 侍應服務：5/5 環境舒適：5/5 性價比：5/5 (5🌟為滿分) 推薦程度：🌟🌟🌟🌟🌟 #followjami推介 #元朗美食 #noodle #dinner #foodie #foodiehk #hkig #hk #foodstagram #yummy #yummyfood #coffeehopping #hkfoodbloggers #hkgirl #coffeelover #hkfood #相機食先 #手機食先 #吃貨 #食好食 #月巴 #優惠 #香港美食 #香港 #like4likes #西餐 #香港好去處 #香港打卡 #增肥 #飲食男女