弥敦道

最近同媽咪去咗旺角創興廣場14樓嘅「馬辣台式鴛鴦火鍋」，呢間人氣台式火鍋店原來已經開咗8年，最近搞咗一連串優惠回饋大家，唔止學生同壽星有著數，基本上你有留港消費過都可以攞到優惠，支持本土消費，著數一羅羅，真係抵讚！ 一入去就見到佢哋有11款特色湯底揀，真係眼都花埋。天氣凍凍地，一於食豪啲，我哋嗌左胡椒豬肚同埋每位+$30升級花雕醉雞鍋，其實都幾抵，佢跟半隻雞，份量唔細，雞肉嫩滑入味，酒香撲鼻，啱晒冬天補身，媽咪食到笑晒口。 套餐方面有A、B兩款，我哋揀咗貴$20嘅B餐，升級咗啲肉類，食到極尚無骨牛小排、手切肥牛、一口牛，啲肉油花靚到不得了，落鑊一灼就入口即溶，肉味濃郁，真係值回票價。海鮮方面仲有白鱔片、脆鯇片，啖啖鮮味，啱晒海鮮控。 另外我哋加$20一款試埋牛舌同牛胸爽，牛舌切得薄薄地，爽口彈牙，牛胸爽好脆卜卜，香氣四溢，正！ 配料方面都係一絕，超過百款任你夾，疏菜、丸類、餃子、台灣麵、滷肉飯、港式甜品、鮮果樣樣齊，誠意十足。飲品方面選擇多，養生嘅可以飲花茶、咖啡，想開心啲就有罐裝啤酒任飲，仲可以加$68要生啤一塔，啱哂一大班朋友一齊share！ 整體嚟講，馬辣真係CP值爆燈，食材新鮮、選擇多、服務又唔錯，無論你係想補身、開心聚餐定係搵個地方慢慢嘆宵夜都啱晒。趁8周年有咁多升級優惠，唔試真係走寶！ 📍馬辣台式鴛鴦火鍋 (旺角) 旺角彌敦道601號創興廣場14樓

非常美丽的街道，到处都是商店和俱乐部，靠近大公园。请注意 Tripadvisor 上的错误房屋，已报告但不幸的是不正确。